Pwy yw Mr Dafydd Davies?

Diweddarwyd am  

Pennaeth newydd Ysgol Betws Gwerful Goch ac Ysgol Bro Elwern

Mae Mr Dafydd Davies wedi goroesi ar ôl ei hanner tymor cyntaf fel Pennaeth ar nid un, ond dwy ysgol yn y gogledd, sef Ysgol Betws Gwerful Goch ac Ysgol Bro Elwern. Fe sy’n ateb cwestiynau busneslyd ‘Jest y Job’ yr wythnos hon…

Un o ble ydych chi? 
Llansannan

Beth fuoch chi’n ei wneud cyn y swydd hon? 
Dirprwy yn Ysgol Twm o’r Nant, Dinbych

Sut baned gymrwch chi? 
Rhaid iddi fod mewn cwpan Manchester United. Dim ond un ffordd sydd i wneud coffi: llefrith, y coffi a hanner siwgwr gyntaf a wedyn y dŵr berwedig. Prin anaml dwi’n yfed te.
Sut ydych chi’n treulio eich amser y tu allan i’r gwaith? 
Dwi’n mwynhau gwylio pêl-droed (Llansannan a Manchester United, a Chymru wrth gwrs) a chymdeithasu!

Beth yw eich swydd waethaf/orau hyd yn hyn? 
Ddim yn mwynhau llnau ar ôl i blant fod yn sâl (ond pwy fyddai’n mwynhau hyn!)

Beth oedd eich hoff bynciau yn yr ysgol? 
Mathemateg, Hanes a Chyfrifiaduron. Cymysgedd dda!

Beth yw eich hoff air neu ddywediad? 
Bach hedyn bob mawredd

Beth yw’r wers orau i chi ei dysgu mewn bywyd? 
Cymryd mai gwers bywyd ydach chi’n feddwl… (achos nes i andros o wers dda yn ystod yr arolwg dwetha!) Pwysigrwydd trin pawb yn deg a rhoi amser i bobl.

Pwy fyddech chi’n gwahodd i’ch pryd bwyd delfrydol… a beth fyddai’r wledd? 
A’i fi fyddai’n coginio?! Amau yn gryf os fyddai na neb isho dod, byw neu farw! Fyddai’n rhaid i mi ddeud Owain Glyndŵr am lobsgows. Dim rheswm pam!

Byw i weithio, neu gweithio i fyw? 
Dwi’n fwy o rebel weekend! Gweithio’n galed ac oriau hir trwy’r wythnos a’r penwythnos i fi’n hun!

Beth yw eich gobeithion i’r dyfodol yn y swydd? 
Ga ni weld sut mae pethau yn mynd!

 

Cafodd y swyddi yma eu hysbysebu ar Golwg360

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd