Erthyglau Noddedig

Rhy boeth i weithio?

 
Llun agos o law yn gwasgu botwm peiriant dwr a'r dwr yn llifo ohono

Dwr yn llifo o beiriant swyddfa

Llun: Clementia CCA3.0

Joanna Adams o gwmni Darwin Gray yn ystyried hawliau gweithwyr pan fydd hi’n wirioneddol dwym.

 Gyda’r haf ar y ffordd a’r tymheredd yn codi, mae mannau gwaith yn gallu bod yn lleoedd digon heriol yr adeg yma o’r flwyddyn. Yn wir, debyg fod yna demptasiwn i rai i aros o’r gwaith, smalio salwch a mynd am drip i’r traeth a hithau mor braf.

Ond beth yw dyletswydd cyflogwr at ei staff pan fo’r tywydd yn gynnes, a sut mae llwyddo i annog gweithwyr i roi o’u gorau tra bod yr haul yn gwenu?

Dyma ambell awgrym….

1. Ydy hi byth yn rhy boeth i weithio?

Dydy’r gyfraith ddim yn gosod trothwy tymheredd penodol ar hyn. Yn hytrach, yn ôl Rheoliadau Gweithle (Iechyd, Diogelwch a Lles) 1992, rhaid i gyflogwr sicrhau fod tymheredd gweithle yn “rhesymol” ar gyfer ei staff. Os nad yw’r tymheredd yn “rhesymol” felly, mae’n bosibl i staff ddadlau nad oes disgwyl iddynt weithio o dan y fath amgylchiadau.

Mae’r gair “rhesymol” yn amwys dros ben wrth gwrs, ac mae’n debygol y bydd synnwyr cyffredin yn chwarae rhan fawr wrth asesu os ydy gweithle yn rhy gynnes i staff. O safbwynt y cyflogwr, mae systemau awyru, ffaniau, a chau bleinds rhag yr haul, yn gallu bod o help mawr.

2. Gwaith tu allan

Os oes disgwyl i staff weithio tu allan mewn tywydd poeth iawn, bydd disgwyl I gyflogwr wneud asesiad risg addas. Gallai hyn olygu argymell bod staff yn gwisgo dillad addas ac eli haul, neu bod yna gyfnodau o seibiant rheolaidd a rhywle i gysgodi o’r haul.

3. Dŵr yfed

Os ydy’r tywydd yn boeth iawn, byddai’n arfer da i gyflogwyr ddarparu dŵr yfed oer i’w staff.

4. Llacio’r côd gwisg

 Bosib na fyddai fflip-fflops yn briodol mewn nifer o weithleoedd ond byddai’n addas efallai i gyflogwr lacio’r disgwyliad i wisgo siaced a thei neu ddillad ffurfiol mewn amgylchiadau poeth iawn.

5. Hyblygrwydd oriau

Arfer da arall i gyflogwr fyddai caniatáu i bobl addasu eu horiau gwaith neu gyflwyno polisi gweithio o gartre’ er mwyn osgoi gorfod gweithio yn ystod adegau cynhesaf y dydd neu orfod teithio i’r gwaith ac oddi yno ar adegau prysur a chwyslyd. Serch hyn, rhaid cofio sicrhau cysondeb yn hyn o beth, achos byddai cyflogwr eisiau osgoi amheuon ei fod yn ffafrio rhai aelodau o staff dros eraill.

6. Staff bregus

Byddai tywydd poeth yn cynnig heriau pellach i aelodau o staff mwy bregus, gan gynnwys y rheiny sy’n dioddef o anableddau, y rheiny sy’n feichiog, neu’r rheiny sydd yn ymprydio fel rhan o’u crefydd. Mae disgwyl felly i gyflogwyr wneud asesiad risg ac addasiadau i rolau rhai o’r rhain pan fo’r tywydd yn achosi problemau iddyn nhw.

Mae Joanna Adams yn ymgynghorwraig adnoddau dynol yn nghwmni cyfreithwyr Darwin Gray yng Nghaerdydd. www.darwingray.com

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd