Erthyglau Noddedig

Siop Fferm Cwmcerrig

Diweddarwyd am  


Siop Fferm Cwmcerrig
Y diweddaraf mewn cyfres o astudiaethau achos gan Fforch i Fforc sy’n edrych ar farchnadoedd ffermwyr, siopau fferm a’u cynhyrchwyr. Siop Fferm Cwmcerrig sy’n cael ein sylw nesaf…

Pan ddaeth teulu’r Watkins at ei gilydd i greu menter arallgyfeirio ar y fferm – yr hyn a gawson ni oedd siop fferm Cwmcerrig. A hithau wedi’i lleoli oddi ar yr A48 yn Sir Gaerfyrddin, mae’r siop 8,000 tr. sg. yn fenter deuluol go iawn rhwng 5 brawd, y mae eu teulu wedi bod yn ffermio ar y safle ers yr 1950au. Agorwyd y siop ym mis Mawrth 2009, ac erbyn hyn mae’r siop fferm yn cyflogi mwy na 40 o bobl ac mae o leiaf 80% o gynnyrch y siop fferm yn cael ei gynhyrchu’n lleol yn Sir Gâr.

Mae cegin y siop fferm yn cynhyrchu nifer fawr o gynhyrchion ac mae’r cig sy’n cael ei werthu yn y siop hefyd yn dod o fferm Cwmcerrig ei hunan – o’r fforch i’r fforc yng ngwir ystyr y gair. Yn ogystal â’r siop mae croeso i bobl alw heibio am damaid i’w fwyta ym mwyty’r siop fferm, sy’n cynnig prydau rhost o ddydd Mercher i ddydd Sul.

“Rydyn ni wedi cael pobl yn galw heibio o bob rhan o’r byd, maen nhw’n meddwl ei bod yn wych ein bod yn ceisio dal ati gyda’r gwaith da” meddai Roland Watkins o Gwmcerrig.

Mae’r siop fferm yn ceisio darparu ar gyfer y teulu cyfan trwy gynnig lle chwarae i’r plant a llociau ar gyfer anifeiliaid fel Merlod Shetland, Defaid Jacob, Ceffylau a Gwartheg Hereford.

Yn ôl Clive Scourfield o Gorslas, “Cig a llysiau o’r safon uchaf wedi’i gynhyrchu’n lleol ac sydd hefyd ar gael yn y bwyty – lle da i alw’n ôl am ragor.”

A beth am y dyfodol i Gwmcerrig? Yn ôl Roland, maen nhw’n rhy brysur ar hyn o bryd i feddwl am unrhyw ddatblygiadau mawr eraill, er ei fod yn cyfaddef yr hoffai weithio ar lwybr cerdded Cwmcerrig trwy’r goedwig sy’n amgylchynu’r fferm.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd