Chwech yn cael eu lladd mewn damwain awyren yn Iwerddon

Diweddarwyd am  



Mae chwech o bobl wedi marw a chwech arall wedi cael eu hanafu mewn damwain awyren ym maes awyr Corc yng ngweriniaeth Iwerddon.

Aed â’r chwech a gafodd eu hanafu i Ysbyty Prifysgol Corc, lle mae pedwar yn dioddef o anafiadau difrifol, ond llwyddodd y ddau arall i gerdded allan o’r awyren.

Roedd yr awyren, a oedd yn cludo deg teithiwr a dau aelod o griw, wedi hedfan o Belffast am 8.12 y bore yma pan ddisgynnodd ar redfa ym Maes Awyr Corc ychydig cyn 10.00. 

Fe ddywedodd Awdurdod Hedfan Iwerddon fod yr awyren Manx 2 wedi disgyn ar y drydedd ymgais i lanio mewn amodau niwlog.

Mae Brian Cowen a Peter Robinson, Prif Weinidogion y Weriniaeth a Gogledd Iwerddon, wedi estyn eu cydymdeimlad â theuluoedd y rhai a gafodd eu lladd.

“Hoffwn hefyd anfon fy nymuniadau gorau a dymuniadau gorau’r Llywodraeth, i bawb sydd wedi goroesi’r ddamwain ac sy’n cael eu trin yn yr ysbyty ar hyn o bryd,” meddai Brian Cowen.

“Hoffwn hefyd ganmol gwaith yr amrywiol griwiau achub a phawb a fu’n gweithio i helpu’r rhai oedd yn y ddamwain.”

Wrth estyn ei gydymdeimlad a’i ddymuniadau gorau yntau, fe ychwanegodd Dirprwy Brif Weinidog Gogledd Iwerddon, Martin McGuinness, y bu’n agos iddo ef deithio ar yr awyren.

“Dyma daith yr ydw i wedi ei gwneud amryw o weithiau,” meddai. “Yn wir, dw i am fod yn Munster yfory ac ro’n i wedi ystyried mynd ar yr awyren yma, ond fe wnes i newid fy nghynlluniau am wahanol resymau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed