Obama yn bygwth Iran

 


Barack Obama
Mae Barack Obama wedi awgrymu y bydd yr Unol Daleithiau yn ymosod ar Iran os nad yw’r weriniaeth Islamaidd yn rhoi’r gorau i ddatblygu arfau niwclear.

“Mae’r Unol Daleithiau wedi dweud ei fod yn annerbyniol fod gan Iran arfau niwclear, ac rydw i’n credu fod llywodraethau Iran ac Israel yn deall nad siarad gwag yw hynny,” meddai.

“Dydw i ddim yn mynd i ddal yn ôl.”

Ychwanegodd fod Iran ac Israel yn deall y bydd “elfen filwrol” i ymateb yr Unol Daleithiau wrth geisio atal Iran rhag datblygu arfau niwclear.

Ond rhybuddiodd yr Arlywydd na ddylai Israel ymosod ar ganolfannau niwclear Iran ar ei phen ei hun.

Dywedodd Barack Obama wrth gylchgrawn Atlantic y byddai ymosodiad o’r fath yn cynyddu’r cydymdeimlad at Iran ac yn ynysu Israel ymhellach.

Fe fydd yr Arlywydd yn cwrdd â Phrif Weinidog Israel, Benjamin Netanyahu, ddydd Llun er mwyn trafod y camau nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl