Coronafeirws: Barack Obama yn lladd ar Donald Trump

 
Donald Trump

Donald Trump

Llun: Commons-wicipedia-CC0.jpg

Mae Barack Obama wedi dweud bod ymateb ei olynydd Donald Trump i argyfwng y coronafeirws yn “drychineb hollol ddi-drefn”.

Mae ei sylwadau mewn sgwrs gydag aelodau ei weinyddiaeth Ddemocrataidd wedi dod i’r fei, yn ôl Yahoo News.

Mae mwy na 77,000 o bobol wedi marw yn sgil y feirws yn yr Unol Daleithiau, ac mae mwy nag 1.27m o bobol wedi profi’n bositif.

Fe fu’r cyn-arlywydd yn siarad â 3,000 o aelodau’r Democratiaid wrth iddo gefnogi Joe Biden yn y ras arlywyddol nesaf ar Dachwedd 3.

“Yr hyn rydyn ni’n brwydro yn ei erbyn yw’r tueddiadau tymor hir hyn o fod yn hunanol, yn blwyfol, yn rhanedig ac o weld eraill fel y gelyn – mae hynny wedi dod yn fympwy cryfach ym mywydau’r Americanwyr,” meddai.

“A gyda llaw, rydyn ni’n gweld hynny’n rhyngwladol hefyd. Mae’n rhan o’r rheswm pam fod yr ymateb i’r argyfwng byd-eang yma wedi bod mor anaemig a phytiog.

“Fe fyddai wedi bod yn wael, hyd yn oed gyda’r llywodraeth orau.

“Fe fu’n drychineb hollol ddi-drefn pan fo’r meddylfryd o ‘beth sydd ynddi i fi’ ac ‘i’r diawl â phawb arall’ wedi cael ei weithredu yn ein llywodraeth.”

Donald Trump yn amddiffyn ei hun

Mae Donald Trump wedi amddiffyn ei hun sawl gwaith, gan ddweud bod y cyfyngiadau teithio o Tsieina ac Ewrop, ynghyd ag ymbellháu cymdeithasol, wedi atal rhagor o niwed.

“Dw i’n credu ein bod ni wedi achub miliynau o fywydau,” meddai yr wythnos hon.

Ac yn ôl llefarydd ar ei ran, mae ymateb Donald Trump “wedi bod yn ddigynsail ac wedi achub bywydau Americanwyr”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn