Donald Trump yn honni bod y coronafeirws wedi tarddu o labordy yn Wuhan

 
Donald Trump

Donald Trump

Llun: Commons-wicipedia-CC0.jpg

Mae Donald Trump yn honni ei fod wedi gweld tystiolaeth bod y pandemig coronafeirws wedi tarddu o labordy clefydau heintus yn Wuhan.

Mae Arlywydd yr Unol Daleithiau wedi awgrymu bod Tsieina wedi rhyddhau’r haint Covid-19 ar y byd yn sgil “camgymeriad” ac wedi damcaniaethu ymhellach bod hynny wedi digwydd yn fwriadol.

Daw ei sylwadau wrth i’w asiantaethau cudd-wybodaeth ddweud eu bod nhw’n parhau i ystyried awgrym Donald Trump bod y pandemig wedi digwydd yn sgil damwain mewn labordy yn Tsieina.

Ond mae asiantaethau cudd-wybodaeth yr Unol Daleithiau wedi wfftio’r awgrymiadau gan ddweud eu bod nhw wedi dod i’r casgliad nad oedd y coronafeirws wedi’i wneud mewn labordy.

Mae llywodraeth Tsieina wedi dweud nad oes unrhyw sail i’r honiadau bod y coronafeirws wedi’i ryddhau o labordy.

Mae Donald Trump wedi rhoi’r bai ar Tsieina am y modd roedd wedi delio gyda’r coronafeirws, gan feirniadu’r wlad am gyfyngu ar deithiau o fewn y wlad i arafu lledaeniad y feirws ond wedi methu atal teithiau rhyngwladol.

“Yn bendant fe allai fod wedi cael ei atal,” meddai Donald Trump yn y Tŷ Gwyn.

Mae’r feirws wedi lladd mwy na 230,000 o bobl ar draws y byd gan gynnwys mwy na 61,000 yn yr Unol Daleithiau, yn ôl y ffigurau diweddaraf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn