Pennaeth gwyddonol yr Undeb Ewropeaidd yn ymddiswyddo

Diweddarwyd  
y faner yn cyhwfan

Y faner Ewropeaidd

llun-commons-wikimedia-CC0.jpg

Mae pennaeth prif sefydliad gwyddonol yr Undeb Ewropeaidd wedi ymddiswyddo oherwydd rhwystredigaeth ynghylch yr argyfwng coronafeirws.

Dim ond ers dechrau’r flwyddyn roedd Mauro Ferrari wedi bod yn Llywydd ar y Pwyllgor Ymchwil Ewropeaidd, ond cadarnhaodd llefarydd dros Gomisiwn yr Undeb Ewropeaidd, Johannes Bahrke fod “Yr Athro Ferrari wedi ymddiswyddo.”

Bydd ymddiswyddiad Mauro Ferrari yn rhoi pwysau ar sefydliadau’r Undeb Ewropeaidd, sydd wedi cael eu cyhuddo o beidio gweithio gyda’i gilydd i frwydro’r feirws.

Siom a cholli ffydd

Mewn datganiad, dywed Mauro Ferrari “Rwyf cael fy siomi’n arw gan yr ymateb Ewropeaidd” i’r pandemig.

Cwynodd ei fod wedi gorfod delio gyda rhwystrau gwleidyddol a sefydliadol wrth iddo geisio sefydlu rhaglen wyddonol i ymateb i’r feirws ar frys.

“Rwyf wedi gweld hen ddigon o lywodraethu ar wyddoniaeth, a gweithredau gwleidyddol yr Undeb Ewropeaidd,” meddai.

“Dw i wedi colli fydd yn y system.”

Amddiffynnodd y Comisiwn Ewropeaidd ei record ar frwydro’r feirws ddydd Mercher (Ebrill 7) gan ddweud bod 18 o brosiectau ymchwil a datblygu eisoes yn gweithio i ddelio â’r feirws.

Dywed bod 50 o brosiectau gan y Cyngor Ymchwil Ewropeaidd yn cyfrannu tuag at yr ymateb yr Undeb Ewropeaidd.

“Mae gan yr Undeb Ewropeaidd y pecyn mwyaf cynhwysfawr o fesurau i frwydro’r feirws ac rydym yn datblygu gwahanol offerynnau i sicrhau ein bod yn datrys yr argyfwng hwn,” meddai Comisiwn Gweithredol yr Undeb Ewropeaidd.

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn