Facebook yn ymddiheuro am ddileu diweddariadau coronafeirws

 

Mae Facebook wedi ymddiheuro am nam yn ei system wrth-sbam a oedd yn rhwystro defnyddwyr rhag cyhoeddi diweddariadau am y coronafeirws.

Dywed Guy Rosen ar ran y cwmni fod y wefan gymdeithasol bellach wedi datrys y broblem.

“Rydym wedi adfer yr holl gofnodion a gafodd eu dileu yn anghywir, gan gynnwys y rhai sy’n gysylltiedig â COVID-19,” meddai.

“Problem gyda ein system gwrth-sbam oedd ar fai am hyn, system sydd yn cael ei ddefnyddio i reoli camddefnydd ar Facebook.”

Dywed Facebook nad oedd y broblem yn gysylltiedig â gweithwyr sy’n adolygu cynnwys y wefan gymdeithasol yn cael eu hanfon adref oherwydd pryderon am y coronafeirws.

Bonws i gefnogi gweithwyr Facebook

Er bod rhai gweithwyr Facebook eisoes wedi eu hanfon adref, fe gadarnhaodd Mark Zuckerberg, prif weithredwr Facebook, y byddai gweithwyr y cwmni yn derbyn bonws o $1,000 (£ 825) yn ystod y pandemig.

Mae’r wefan gymdeithasol yn cyflogi bron i 45,000 o staff amser llawn ledled y byd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones