Y Crysau Duon ar ben y byd

Diweddarwyd am  


Seland Newydd 8    Ffrainc 7

Mi roedd hi’n agos, ond y Crysau Duon sydd wedi ennill Pencampwriaeth Rygbi’r Byd.

Mewn ail hanner cyffrous yn Eden Park, Auckland, fe lwyddon nhw i wrthsefyll tîm oedd yn benderfynol o wneud gêm ohoni, ar ôl iddyn nhw gael eu beirniadu’n hallt yn ystod y gystadleuaeth hon, yn enwedig ar ôl y chwalfa drychinebus yn erbyn Tonga.

Dechreuodd Seland Newydd yr ail hanner yn hyderus, gyda’r eilydd Stephen Donald yn cicio dros y pyst.

Ond mi darodd Ffrainc yn ôl gyda chais gan eu capten, Thierry Dusautoir. Dim ond un pwynt yn rhannu’r Crysau Duon a’r Les Bleus, a’r tensiwn yn y dorf yn cynyddu.

Fe ymdrechodd y Ffrancwyr yn galed, gan gadw’r pwysau ar Seland Newydd. Ond ar y chwiban olaf, roedd y dorf yn dathlu a’r wlad yn gyfan yn ymhyfrydu wrth i wŷr Graham Henry ennill Cwpan Webb Ellis o drwch blewyn.

Mi roedd y Crysau Duon wedi gwneud hi’n anodd i’w hunain gyda chamgymeriadau ac ar brydiau nerfusrwydd yn eu chwarae. Roedd y clwyf cicio hefyd wedi taro’r tîm, gyda Piri Weepu yn methu sawl cic.

Diwedd cyffrous i bencampwriaeth gofiadwy, a phawb yng Nghymru yn gresynu fod y clwyf cicio, a’r garden goch, wedi taro ein tîm cenedlaethol ni wrth i’r Dreigiau ifanc chwilio am anfarwoldeb ymhell o gartre.

Dywedodd Graham Henry ar ddiwedd y gêm fod ganddo barch mawr tuag at ei dîm a’r hyn oedden nhw wedi ei gyflawni heddiw. “Mi gawn ni orffwys mewn heddwch yn awr,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed