Pryderon y gallai llosgfynydd Seland Newydd ffrwydro eto

Diweddarwyd am  

Llosgfynydd

Llun: CC0

Mae rhybudd y gallai llosgfynydd yn Seland Newydd ffrwydro eto, wrth i’r chwilio am oroeswyr ar yr Ynys Wen barhau.

Bu farw o leiaf chwech o bobol hyd yn hyn, ac mae lle i gredu bod dwy ddynes o wledydd Prydain yn yr ysbyty.

Mae pob un ond pump ohonyn nhw mewn cyflwr sefydlog ond difrifol.

Yn ôl yr heddlu, mae’n rhy beryglus iddyn nhw ddychwelyd at y llosgfynydd, ac maen nhw’n annog pobol sydd wedi goroesi i gysylltu â’u teuluoedd i roi gwybod iddyn nhw eu bod nhw’n iawn.

Maen nhw’n dweud bod saith o bobol o Awstralia a dau o Seland Newydd ymhlith y rhai sydd ar goll.

Yn ôl crwner, fe allai gymryd rhai wythnosau cyn bod y meirw’n cael eu hadnabod yn ffurfiol.

Ond mae eu teuluoedd yn dweud bod Julie Richards, 47, a’i merch 20 oed Jessica ymhlith y rhai fu farw.

Y rhai sydd ar goll o Awstralia, yn ôl adroddiadau yw Gavin Dallow, Jessica Edwards, Krystal Browitt, Richard Elzer, Zoe Hoskins a Karla Matthews.

Mae Tipene Maangi a Hayden Inman o Seland Newydd hefyd ar goll.

Mae eraill hefyd, yn ôl yr heddlu, ond dydy eu teuluoedd ddim wedi cael gwybod eto.

Yn ôl yr ysbyty, mae 22 o bobol yn cael cymorth i anadlu o ganlyniad i losgiadau difrifol ac anafiadau eraill. Mae rhai wedi llosgi 95% o’u cyrff.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones