Tri o brotestwyr wedi’u lladd wrth i brif weinidog Irac ymddiswyddo

 
Baner Irac

Baner Irac

Llun: Pixabay

Mae tri o brotestwyr wedi cael eu saethu’n farw, ac mae 58 o bobol wedi’u hanafu, yn dilyn protestiadau yn Irac wrth i brif weinidog y wlad, Adel Abdul-Mahdi ymddiswyddo’n ffurfiol.

Bydd y senedd yn penderfynu a fyddan nhw’n derbyn ei ymddiswyddiad neu beidio.

Daeth cadrnhad ddydd Iau (Tachwedd 28) o’i fwriad i gamu o’r neilltu ar ôl i fwy na 40 o brotestwyr gael eu lladd gan luoedd diogelwch yn Baghdad a de’r wlad.

Mae un o brif glerigwyr y wlad hefyd wedi tynnu ei gefnogaeth i’r prif weinidog yn ôl.

Mae nifer o aelodau o’i lywodraeth hefyd wedi camu o’r neilltu yn sgil pryderon nad oes ganddyn nhw ddigon o rym bellach i lywodraethu ac i ddeddfu.

Mae o leiaf 400 o bobol wedi marw mewn cyfres o brotestiadau wrth i’r wlad wynebu cyfnod ansicr unwaith eto.

Mae pryderon am lygredd ariannol, diffyg gwasanaethau cyhoeddus a swyddi a diffyg ymddiriedaeth yn y system wleidyddol.

Mae’r protestwyr wedi bod yn meddiannu adeiladau, a’r lluoedd diogelwch yn ceisio’u tawelu mewn nifer o ddinasoedd ar draws y wlad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones