Gaddafi – dirgelwch tros ei farwolaeth

 


Cyrnol Gaddafi cyn ei farwolaeth (Teledu Libya a PA)
Mae dirgelwch wedi codi ynglŷn â’r ffordd y cafodd unben Libya ei ladd.

Mae’n ymddangos bod Muammar al-Gaddafi wedi cael ei ddal cyn iddo gael ei saethu yn ei ben.

Yn ôl pennaeth dros dro newydd y wlad, Mahmoud Jibril, roedd y Cyrnol wedi cael ei daro mewn saethu rhwng dwy garfan pan oedd ar ei ffordd i’r ysbyty.

Ond mae amheuon hefyd ei fod wedi cael ei saethu mewn gwaed oer ar ôl iddo grefu am drugaredd yn ei dref enedigol, Sirte, yr ola’ i syrthio i ddwylo’r llywodraeth newydd.

Yn y cyfamser, mae’r elusen gyfiawnder, Amnesti Rhyngwladol, wedi galw am ddod â phobol i gyfri yn Libya am droseddau tros y blynyddoedd.

Ond mae sylwebyddion yn y wlad hefyd yn rhybuddio am y peryg o wrthdaro a hyd yn oed ryfel cartref wrth i garfannau gwahanol ddial ar ei gilydd ac ymrafael am rym.

Nato’n ystyried

Heddiw, fe fydd arweinwyr lluoedd y gorllewin, Nato, yn ystyried dod â’u cyrchoedd nhw yn y wlad i ben – roedd eu hymosodiadau nhw o’r awyr yn allweddol wrth chwalu amddiffynfeydd y Cyrnol Gaddafi ac yn y cyrchoedd i gipio dinasoedd o’i ddwylo.

Ddoe, fe ddywedodd Prif Weinidog Prydain, David Cameron, ei fod yn falch o’r rhan yr oedd lluoedd gwledydd Prydain wedi ei gymryd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed