Catalwnia ar frig agenda etholiadol Sbaen

Diweddarwyd am  
Baner Catalwnia

Baner Catalwnia

Llun: Commons Wikimedia CC0

Ymgais Catalwnia am annibyniaeth sydd ar frig agenda’r pleidiau gwleidyddol sy’n brwydro yn etholiad cyffredinol Sbaen heddiw – y pedwerydd pleidlais o fewn pedair blynedd.

Y prif weinidog Pedro Sanchez sydd wedi galw’r etholiad, a’r disgwyl yw y gallai’r blaid asgell dde eithafol Vox ennill tir wrth iddyn nhw barhau i frwydro yn erbyn annibyniaeth i Gatalwnia a rhyddid i fewnfudwyr.

Enillodd y prif weinidog Sosialaidd y nifer fwyaf o bleidleisiau yn yr etholiad diwethaf yn Sbaen, ond wnaeth e ddim ennill digon o seddi i ffurfio llywodraeth.

Mae disgwyl iddo ennill unwaith eto, ond dydy hi ddim yn glir eto a fydd ganddo fe ddigon o seddi’r tro hwn i allu ffurfio llywodraeth.

Gallai hyd at 35% o boblogaeth y wlad gadw draw o’r etholiad, sy’n gynnydd o 7% o’i gymharu â’r etholiad diwethaf fis Ebrill.

Vox

Daeth plaid Vox yn fwy poblogaidd yn yr etholiad diwethaf, gan ennill 24 o seddi.

Maen nhw’n gwrthwynebu annibyniaeth i Gatalwnia a rhagor o ryddid i fewnfudwyr.

Mae eu llwyddiant yn dilyn yr un patrwm â phleidiau asgell dde mewn rhannau eraill o Ewrop.

Gallai plaid Santiago Abascal gynyddu eu seddi’r tro hwn o ganlyniad i fater annibyniaeth Catalwnia a’r helynt sydd wedi bod yn sgil codi gweddillion Franco fis diwethaf.

Mae Vox yn clymbleidio mewn rhai ardaloedd er mwyn cryfhau eu gafael.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones