Cyn-arlywydd America, Jimmy Carter, yn yr ysbyty wedi anffawd arall

 

Llun: CC0 trwy www.pixabay.com

Mae cyn-arlywydd yr Unol Daleithiau, Jimmy Carter, yn yr ysbyty ar ôl cael anffawd arall yn ei gartref yn Georgia.

Dywed llefarydd ar ran Canolfan Carter fod y gwleidydd, 95, wedi cael niwed i’w belfis, ond mae mewn hwyliau da, meddai wedyn.

Dyma’r trydydd tro i Jimmy Carter, preswylydd y Tŷ Gwyn rhwng 1977 a 1981, gwympo o fewn y misoedd diwethaf.

Yn dilyn un anffawd gas ddechrau’r mis, fe deithiodd i Nashville, Tennesse y diwrnod canlynol er mwyn helpu criw o wirfoddolwyr i adeiladu cartref ar gyfer yr elusen, Habitat for Humanity.

O’r holl gyn-Arlywyddion yn hanes yr Unol Daleithiau, Jimmy Carter sydd wedi byw hiraf.

Mae llawer yng Nghymru yn dal i gofio ei daith i’r canolbarth ganol yr 1980au, pan ymwelodd â chapel Soar y Mynydd ger Tregaron a physgota yng nghwmni’r diweddar Moc Morgan.

Mae Jimmy Carter hefyd yn hoff o waith y bardd o Dalacharn, Dylan Thomas.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones