Mae swyddogion Cwrdaidd Syria yn dweud bod hyd at 700 o gefnogwyr Daesh – neu’r ‘Wladwriaeth Islamaidd’ – wedi dianc o wersyll yng ngogledd-ddwyrain Syria.

Fe ddaw wrth i luoedd Twrci barhau â’u cyrch ar y wlad.

Fe wnaeth y rhai sydd wedi ffoi ymosod ar giatiau gwersyll Ain Eissa cyn ffoi yng nghanol brwydro a chyrchoedd awyr yn yr ardal.

Mae’r gwersyll yn cynnal hyd at 12,000 o bobol, gan gynnwys bron i 1,000 o fenywod o wledydd tramor sydd â chysylltiadau â’r eithafwyr Islamaidd.

Mae hefyd yn un o ganolfannau’r cynghreiriaid Americanaidd.