Arweinwyr Rwsia, Iran a Thwrci yn cwrdd i drafod Syria

 

Bashar Assad, arlywydd Syria

Llun CC0 trwy Commons Wikimedia

Mae disgwyl i arweinwyr Rwsia, Iran a Thwrci gyfarfod yn ninas Ankara heddiw (dydd Llun, Medi 16) er mwyn trafod y rhyfel cartref yn Syria.

Bwriad yr uwchgynhadledd yw dod â’r ymladd yng ngogledd-orllewin y wlad i ben, yn ogystal â cheisio sicrhau datrysiad gwleidyddol i’r rhyfel yn gyfan gwbl.

Ar frig yr agenda mae’r sefyllfa yn Idlib – yr ardal olaf yn Syria sy’n dal i fod ym meddiant gwrthryfelwyr – lle sicrhawyd cytundeb heddwch ar ddiwedd mis Awst yn dilyn cyrch pedwar mis gan gynghreiriaid y llywodraeth.

Er bod y cytundeb heddwch yn dal i sefyll ar hyn o bryd, mae yna rai eithriadau wedi bod.

Ac mae Twrci yn poeni y gall parhad yn y brwydro arwain at filoedd o bobol yn ffoi o Syria i Dwrci, sydd eisoes yn rhoi lloches i 3.6m o ffoaduriaid y wlad.

Mae Rwsia ac Iran yn cefnogi ochr llywodraeth Bashar Assad yn y rhyfel cartref, tra bo Twrci yn cefnogi’r gwrthryfelwyr sy’n ceisio disodli’r arlywydd.

Y cyfarfod yn Ankara yw’r pumed tro iddyn nhw gyfarfod er mwyn trafod y rhyfel.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer