Gohirio achos Harvey Weinstein oherwydd cyhuddiad newydd

Diweddarwyd am  
Harvey Weinstein

Harvey Weinstein

Llun: David Shankbone CC 3.0 trwy Commons Wikimedia

Mae’r cynhyrchydd teledu a ffilm, Harvey Weinstein, wedi pledio’n ddieuog i gyhuddiad newydd sy’n cynnwys ymosodiad rhywiol arall – datblygiad sydd wedi gorfodi’r barnwr i ohirio’r achos tan ddechrau flwyddyn nesaf.

Roedd y newid yma fod i weld actores yn rhoi tystiolaeth yn erbyn Harvey Weinstein mewn gwrandawiad ar dreisio ac ymosodiad rhywiol oedd fod i ddechrau ar Fedi 9.

Yn flaenorol, plediodd Harvey Weinstein yn ddieuog i gyhuddiadau ei fod wedi treisio menyw yn 2013 a pherfformio gweithred ryw orfodol ar fenyw wahanol yn 2006.

Mae’r achos yn parhau i fod ynglŷn â’r ddwy ddynes hynny, ond dywedodd erlynwyr fod angen y ditiad newydd i ganiatáu i drydedd fenyw, Annabella Sciorra, roi tystiolaeth.

Dywed Annabella Sciorra, sy’n fwyaf adnabyddus am ei gwaith ar The Sopranos, fod Harvey Weinstein wedi ei threisio y tu mewn i’w fflat yn Manhattan ar ôl iddi ymddangos mewn ffilm yn ei stiwdio ffilm ym 1993.

Fe gytunodd y barnwr James Burke gyda chyfreithwyr Harvey Weinstein fod angen i’r gwrandawiad gael ei ohirio er mwyn iddynt edrych mewn i’r cyhuddiad.

Mae’r cynhyrchydd, 67, sydd yn rhydd ar hyn o bryd ar fechnïaeth werth miliwn o ddoleri, wedi gwadu pob un cyhuddiad.

Rhyngwladol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer