“Cwyn ffurfiol” am neges am yr ymgyrchydd Greta Thunberg

Diweddarwyd am  

Greta Thunberg

Llun: Wicimedia

Mae’r Aelod Seneddol, Caroline Lucas, wedi anfon cwyno’n swyddogol am neges gan Arron Banks ynghylch ymgyrchydd newid hinsawdd 16 oed.

Ef yw sefydlydd Leave.EU ac mi daniodd y ffrae pan ymatebodd i drydariad gan yr Aelod Seneddol am daith Greta Thunberg tros Fôr yr Iwerydd.

“Mae cychod hwylio yn medru profi damweiniau annisgwyl ym mis Awst…,” meddai cyn dweud yn ddiweddarach mai “jôc” oedd y sylw.

Denodd y sylw ymatebion ar Twitter gyda rhai cyfrifon yn galw ei sylw yn “ddirmygadwy” ac yn enghraifft o “gasineb”. A bellach mae cwyn wedi’i gyflwyno i Twitter.

“Mae neges Arron Banks am Greta Thunberg yn fy ngwneud i’n sâl,” meddai Caroline Lucas. “Dw i wedi cyflwyno cwyn ffurfiol i Twitter.”

Greta ar daith

Bydd Greta Thunberg yn treulio pythefnos yn teithio ar draws Môr yr Iwerydd mewn cwch hwylio, ac wedi iddi gyrraedd y pen arall mi fydd yn cymryd rhan mewn digwyddiadau gwyrdd.

Mae streiciau ysgol y ferch o Sweden wedi tanio llu o brotestiadau newid hinsawdd ledled y byd.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer