Adnabod corff yn Malaysia fel un Nora Quoirin

 

Llun: CC0

Mae’r awdurdodau yn Malaysia wedi cadarnhau mai corff y ferch golledig o wledydd Prydain, Nora Quoirin, a gafodd ei ganfod y bore yma (dydd Mawrth, Awst 13).

Roedd y ferch, 15, a oedd ag anghenion arbennig, wedi diflannu o barc gwyliau Dusun, lle roedd hi yn aros gyda’i theulu, dros wythnos yn ôl (Awst 4).

Daeth y cadarnhad am ei chorff gan lefarydd o’r Ymddiriedolaeth Lucie Blackman, sy’n delio ag ymholiadau gan y cyfryngau ar ran teulu’r ferch.

Ychwanegodd na fydd y teulu yn gwneud unrhyw ddatganiad pellach, a’u bod nhw’n gofyn am lonydd yn ystod “y cyfnod trychinebus hwn”.

Ers diflaniad Nora Quoirin bron i ddeng diwrnod yn ôl, mae 348 o bobol wedi bod yn chwilio amdani, a chafodd rhodd gwerth £10,000 ei roi i’w theulu gan fusnes di-enw o Belfast.

Mae mam y ferch yn dod o Ogledd Iwerddon, a’i thad o Ffrainc, ac roedd Nora Quoirin yn teithio ar basbort Gwyddelig, yn ôl adroddiadau. Mae’r teulu wedi bod yn byw yn Llundain ers cyfnod o 20 mlynedd.

Mae Llywodraeth Iwerddon a Llywodraeth Ffrainc wedi estyn eu cydymdeimlad at y teulu.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer