Carchar lle bu farw Jeffrey Epstein yn “brin o staff”

 

Jeffrey Epstein

Roedd y carchar yn Efrog Newydd lle bu farw’r ariannwr Jeffrey Epstein dros y penwythnos yn “brin o staff” adeg ei farwolaeth, yn ôl ffynhonnell sydd yn gyfarwydd â’r uned.

Nid yw’r manylion ynglŷn â sut y bu farw Jeffrey Epstein, 66, wedi cael eu cadarnhau hyd yn hyn, ond mae swyddogion meddygol wedi cynnal archwiliad post-mortem.

Roedd yr ariannwr wedi’i gyhuddo o gam-drin merched o dan oed yn rhywiol.

Roedd ei farwolaeth sydyn ddydd Sadwrn (Awst 10) yn golygu na fyddai’n wynebu achos troseddol a fyddai wedi datgelu ei weithredoedd a’i gysylltiadau gydag enwogion ac arlywyddion, er bod erlynwyr wedi dweud y byddan nhw’n parhau i gynnal ymchwiliad.

Cafodd cais Jeffrey Epstein am fechnïaeth ei wrthod ac roedd o’n wynebu hyd at 45 blynedd yn y carchar am gyhuddiadau yn ymwneud a masnachu rhyw a chynllwynio. Roedd wedi pledio’n ddieuog i’r cyhuddiadau ac yn aros i’r achos llys yn ei erbyn i ddechrau.

Mae’r modd y bu farw Jeffrey Epstein yn parhau i fod yn ddirgelwch, ond roedd swyddogion carchar yn yr uned lle’r oedd yn cael ei gadw yn gweithio shifftiau goramser oherwydd prinder staff, meddai’r ffynhonnell.

Roedd ‘na bryderon y gallai Jeffrey Epstein ladd ei hun ac roedd wedi cael ei roi o dan ofal arbennig, yn ôl y ffynhonnell, ond roedd y gofal wedi dod i ben ddiwedd mis Gorffennaf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones