Gogledd Corea’n cyhuddo myfyriwr o Awstralia o ysbïo

Diweddarwyd  

Parêd o filwyr Gogledd Corea yn y brifddinas, Pyongyang

Llun: Uwe Brodrecht CC SA 2.0 trwy Gomin Wicimedia

Mae Gogledd Corea yn cyhuddo myfyriwr o Awstralia a gafodd ei ryddhau gan yr awdurdodau’r wythnos ddiwethaf, o ysbïo a lledaenu propaganda gwrth-Pyongyang.

Roedd Alek Sigley yn y ddalfa am fwy nag wythnos ar amheuaeth o roi lluniau a deunydd arall i’r cyfryngau.

Cafodd ei alltudio ddydd Iau (Gorffennaf 4) ar ôl gofyn am faddeuant, ond dydy e ddim wedi trafod ei gyfnod yn y ddalfa.

Fe fu’n fyfyriwr ym Mhrifysgol Pyongyang ac yn gweithio fel tywysydd teithiau cyn diflannu oddi ar y cyfryngau cymdeithasol heb roi gwybod i’w deulu.

Mae’r awdurdodau’n dweud ei fod e wedi camddefnyddio’i statws fel myfyriwr, ond fe gafodd ei ryddhau ar ôl i ddiplomyddion Sweden ymyrryd yn yr achos.

Cyfryngau cymdeithasol

Tra ei fod e’n fyfyriwr, fe fu Alek Sigley yn rhannu manylion am ei fywyd yn y ddinas ar ei dudalennau personol a’i wefan deithio.

Fe fu’n herio ystrydebau am Ogledd Corea, ac yn brolio’i ryddid fel myfyriwr.

Fe fu’n ysgrifennu sawl erthygl ar gyfer cyfryngau’r byd gorllewinol hefyd, ond doedd e ddim yn feirniadol o’r wlad yn aml.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer