Carcharor yn Iran yn ail-gychwyn ar streic newyn

 
Nazanin Zaghari Ratcliffe a'i gŵr Richard Ratcliffe

Nazanin Zaghari Ratcliffe a’i gŵr Richard Ratcliffe

Llun: Wikipedia

Mae Nazanin Zaghari-Ratcliffe, y weithwraig elusen o Brydain sydd mewn carchar yn Iran, wedi ail-gychwyn ar streic newyn.

Dywedodd ei gŵr, Richard Ratcliffe, iddo gael galwad ffôn ganddi heddiw yn dweud ei bod yn benderfynol o brotestio yn erbyn ei charchariad annheg.

“Mae hyn yn rhywbeth mae wedi bod yn ei fygwth ers tro,” meddai. “Roedd hi wedi dweud y byddai’n gwneud rhywbeth i bwysleisio i’r ddwy lywodraeth mai digon yw digon. Mae hyn wedi mynd ymlaen yn rhy hir.

“Yr hyn mae’n ei fynnu yw cael ei rhyddhau yn ddiamod – ac mae hi wedi bod yn gymwys am hyn ers amser maith.”

I gefnogi ei wraig, mae Richard Ratcliffe hefyd wedi cychwyn ar streic newyn y tu allan i lysgenhadaeth Iran yn Llundain, lle mae teulu a ffrindiau wedi ymuno ag ef.

“Fe wnes i addo y byddwn i’n ei chefnogi pe bai’n ail-gychwyn ar streic newyn – er mwyn sicrhau bod ei stori’n aros yn llygaid y cyhoedd,” meddai.

Mewn neges at y prif weinidog nesaf, meddai:

“Hoffwn i bwy bynnag a ddaw yn brif weinidog sicrhau, fel un o’i brif flaenoriaethau, ei fod yn amddiffyn dinasyddion Prydain rhag cael eu carcharu’n annheg a’u poenydio.”

Mae Nazanin Zaghari-Ratcliffe wedi bod mewn carchar yn Iran ers tair blynedd ar ôl cael ei chyhuddo o ysbïo dros Brydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019