Cynnwrf yn Hong Kong yn sgil mesur estraddodi newydd

 

Hong Kong

Llun: Exploringlife CC 4.0 trwy Comin Wicimedia

Mae yna ddisgwyl am ragor o gynnwrf yn Hong Kong wrth i lywodraeth y rhanbarth fwrw ymlaen gyda chynlluniau i newid y gyfraith fel bod modd trosglwyddo pobol i ddwylo’r awdurdodau yn Tsieina.

Mae’r cynlluniau arfaethedig yn achos cynnen yn y rhanbarth, gyda nifer yn poeni fod y cam yn ymgais gan Lywodraeth Tsieina i gael mwy o reolaeth tros Hong Kong.

Bwriad arweinydd y rhanbarth, Carrie Lam, yw cyflwyno’r mesur gerbron deddfwrfa’r rhanbarth yr wythnos hon (dydd Mercher, Mehefin 12).

Mae llywydd y ddeddfwrfa, Andrew Leung, hefyd wedi cadarnhau y bydd gwleidyddion yn cael cyfle i bleidleisio ar y mesur ar Fehefin 20.

Mae heddlu Hong Kong eisoes wedi cau strydoedd o gwmpas y ddeddfwrfa ac adeiladau’r llywodraeth wrth i brotestwyr dyrru i’r strydoedd.

Yn ôl adroddiadau’r wasg yn lleol, mae miloedd o heddweision ychwanegol yn barod i wynebu protestwyr a fydd yn ail-afael yn y protestio nos Fawrth (Mehefin 11).

Mae rhai busnesau hefyd wedi cyhoeddi y byddan nhw ynghau ddydd Mercher, ac mae adroddiadau bod myfyrwyr am osgoi mynychu gwersi.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer