Google yn atal peth o’i busnes gyda Huawei oddi ar ei ffonau

Diweddarwyd am  
Llun o ffon symudol

Un o ffonau symudol Huawei

Llun: CC0 trwy Pixabay

Mae Google wedi atal Huawei rhag diweddaru rhai rhannau o’i feddalwedd Android sy’n cael ei ddefnyddio ar ffonau’r cwmni.

Mae’n golygu nad yw’r cwmni technoleg o Tsieina yn gallu defnyddio apiau ar ei ffonau mwyach.

Mae Google yn dweud ei fod wedi cymryd camau i “gydymffurfio gyda chamau diweddar llywodraeth yr Unol Daleithiau.”

Mae Huawei yn un o nifer o wneuthurwyr ffôn sydd yn defnyddio system Android gan Google ar ei ffonau a thabledi.

Nid yw’r cwmni nawr yn gallu defnyddio apiau fel Maps a Gmail ac ni fydd gan Huawei fynediad at ddiweddariadau diogelwch.

Fe fydd cwsmeriaid Huawei yn gallu diweddaru eu ffonau ac apiau, ond ni fydden nhw’n gallu diweddaru’r ffonau i fersiwn ddiweddaraf Android.

“Cydymffurfio a’r Unol Daleithiau”

Mae arlywydd yr Unol Daleithiau, Donald Trump, eisoes wedi gwahardd Huawei o rwydweithiau’r wlad oni bai ei fod yn cael caniatâd y llywodraeth.

Nid oes gan gwmnïau tramor sy’n dueddol o gyflwyno “peryglon annerbyniol” i ddiogelwch cenedlaethol fynediad yno mwyach.

Yn y cyfamser, mae cyn-gyfarwyddwr strategaeth y Cyngor Diogelwch Cenedlaethol yn dweud fod “rhaid” i wledydd Prydain gydnabod cryfder safbwynt yr Unol Daleithiau ar Huawei.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones