Taiwan yw’r wlad gyntaf yn Asia i gyfreithloni priodasau hoyw

Diweddarwyd am  
Taiwan

Baner Taiwan

Llun: Wikipedia

Mae gwleidyddion yn Taiwan wedi pleidleisio o blaid caniatáu priodasau o’r un rhyw, a dyma’r wlad gyntaf yn Asia i gymryd cam o’r fath.

Mae deddfwrfa’r wlad, a oedd o dan bwysau gan grwpiau LGTB, wedi cymeradwyo mesur a fydd hefyd yn rhoi nifer o’r trethi, yswiriant a budd-daliadau gofal plant i gyplau hoyw.

Dywedodd Arlywydd y wlad, Tsai Ing-wen, un o brif gefnogwr y gyfraith newydd, fod “cariad wedi ennill”.

“Rydym wedi cymryd cam mawr tuag at gydraddoldeb go-iawn, ac wedi gwneud Taiwan yn wlad well,” meddai.

Cyn y bleidlais, bu miloedd o bobol, gan gynnwys cyplau hoyw, yn ymgasglu ar strydoedd y tu allan i’r senedd.

Roedd nifer yn cario placardiau a oedd yn nodi: “Ni allai’r bleidlais fethu”.

Gweddill Asia yn dilyn?

Ym mis Mai 2017, fe gyhoeddodd Llys Cyfansoddiadol Taiwan fod gan gyplau hoyw yr hawl i briodi, ac fe roddodd orchymyn i’r senedd i newid y gyfraith o fewn dwy flynedd.

Ers hynny, mae ymgyrchwyr wedi bod yn pwyso ar wleidyddion y wlad am gydraddoldeb, tra bo grwpiau mwy traddodiadol wedi dweud bod angen parchu gwerthoedd teuluol traddodiadol Tsieinëeg.

Ond mae’r cam diweddaraf gan wleidyddion Taiwan wedi codi gobeithion ymgyrchwyr LGBT, sy’n credu y bydd gwledydd eraill yn Asia yn gweithredu yn yr un modd.

Un o’r gwledydd sy’n ystyried y syniad o gyfreithloni priodasau o’r un rhyw ar hyn o bryd yw Gwlad Thai.

“Mae’r datblygiad hwn [yn Taiwan] yn mynd i gychwyn trafodaeth yng Ngwlad Thai,” meddai un ymgyrchydd LGTB. “A dw i’n gobeithio y bydd Gwlad Thai yn symud ymlaen ynghynt gyda’u mesur nhw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer