Canlyniadau Etholiad Sbaen yn “newyddion da” i Gatalwnia

 
Baner Catalwnia

Baner Catalwnia

Llun: Commons Wikimedia CC0

Mae newyddiadurwr amlwg yng Nghatalwnia yn obeithiol y bydd canlyniadau’r etholiad cyffredinol yn Sbaen yn arwain at drafodaethau, cyfaddawd tros garcharorion a hyd yn oed refferendwm i’r rhanbarth.

Daeth llwyddiant i ran y pleidiau sydd o blaid annibyniaeth wedi iddyn nhw gipio 22 o seddi rhyngddyn nhw yng Nghyngres y Dirprwyon.

Roedd yn etholiad hanesyddol i’r Esquerra Republicana (ERC) a gynyddodd ei seddi o naw i 15, tra bo plaid annibyniaeth arall, y Junts per Catalunya (JxCat), wedi ennill saith sedd.

Ledled Sbaen wedyn, fe lwyddodd y Sosialwyr, o dan arweiniad Pedro Sánchez, i ennill yr etholiad gyda 123 o seddi, ond fe fydd yn rhaid iddo ddibynnu ar bleidiau llai er mwyn ffurfio llywodraeth.

“Newyddion da”

Yn ôl Albert Forns, mae canlyniadau’r etholiad yn “newyddion da” ar gyfer Catalwnia, yn bennaf oherwydd na wnaeth yr un blaid asgell-dde gyrraedd y brig.

“Fe all arlywydd sosialaidd yn Sbaen fod yn newyddion da i’r carcharorion a’r alltudion gwleidyddol,” meddai’r newyddiadurwr a’r nofelydd wrth golwg360.

“A dw i’n credu bod yna siawns am ryw fath o drafodaeth a all ein harwain at refferendwm, neu ryw fath o gytundeb newydd ar ymreolaeth.”

“Neges glir i Sbaen”

Mae Albert Forns yn credu bod llwyddiant Esquerra Republicana, y brif blaid yng Nghatalwnia ar hyn o bryd, yn arwydd bod y mudiad annibyniaeth yn “fyw ac iach” ac yn anfon “neges glir i Sbaen”.

Mae’n cyfeirio at brif ymgeisydd y blaid yn yr etholiad a’i harweinydd, Oriol Junqueras, sydd ar hyn o bryd yn y carchar am ei ran yn y refferendwm annibyniaeth yng Nghatalwnia yn 2017.

“Mae ymgeisydd Esquerra yn y carchar, ond hyd yn oed o’r fan honno fe lwyddodd i gael dros filiwn o bleidleisiau,” meddai Albert Forns.

“Mae’r mudiad annibyniaeth yn fyw ac iach, felly, ac fe fydd gennym lywodraeth fwy trugarog a serchog yn Sbaen a all, os yw Pedro Sánchez yn gweithredu â dewrder, arwain at ddatrysiad democrataidd i’r gwrthdaro.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer