Pum mlynedd i ail-godi Notre Dame, meddai Emmanuel Macron

 
Emmanuel Macron yn codi bawd

Emmanuel Macron

Llun: Llywodraeth Ffrainc CC 3.0 trwy Commons Wikimedia

Mae Emmanuel Macron, arlywydd Ffrainc, yn dweud y gallai gymryd hyd at bum mlynedd i ail-godi cadeirlan Notre Dame yn Paris.

Fe ddaeth y sylw wrth iddo annerch y genedl neithiwr (nos Fawrth, Ebrill 16), ddiwrnod wedi’r tân sy’n cael ei ystyried yn un damweiniol.

Dywed y bydd Ffrainc yn “ail-godi Cadeirlan Notre Dame hyd yn oed yn fwy hardd”, gan ddiolch i’r gwasanaethau brys am eu gwaith a’u harian.

Fe fu bron i 400 o ddiffoddwyr tân yn ceisio diffodd y fflamau, a chafodd dau blismon a dyn tân eu hanafu yn y digwyddiad.

“Mae tân Notre Dame yn ein hatgoffa nad yw hanes byth yn stopio,” meddai ar Twitter, yn dilyn pryderon y gallai’r adeilad fod wedi cael ei ddinistrio’n llwyr.

Mae mwy na 600 miliwn Ewro wedi cael eu rhoi at yr achos hyd yn hyn, ac mae’r gwaith o symud henebion o’r adeilad i amgueddfa’r Louvre ar y gweill.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl