Taflegryn America yn lladd arweinydd ISIS yn Somalia

Diweddarwyd am  

Mae taflegryn gafodd ei ollwng o’r awyr gan yr Unol Daleithiau wedi lladd arweinydd ISIS yn Somalia.

Yn ôl Adran Reoli’r Unol Daleithiau yn Affrica, roedden nhw wedi gollwng y taflegryn ger Xiriiro – pentref yng ngogledd rhanbarth Puntland yn Somalia ar ddydd Sul (Ebrill 14) – gan ladd Abdulhakim Dhuqub, sef dirprwy bennaeth grŵp eithafwyr ISIS yn Somalia.

Ef oedd yn gyfrifol am ymosodiadau yn yr ardal, yn ôl datganiad byddin yr Unol Daleithiau.

Roedd y taflegryn wedi cael ei anelu at gerbyd oedd Abdulhakim Dhuqub ynddi a ni chafodd ddim dinesydd ei ladd na’i anafu meddai’r datganiad hefyd.

Mae gweinidog amddiffyn Puntland, Abdisamad Mohamed Galan, wedi cadarnhau’r llofruddiaeth yr arweinydd, a dywed fod y taflegryn wedi lladd aelodau eraill o’r grŵp hefyd.

Cafodd grŵp ISIS ei sefydlu yn Somalia ar ddiwedd 2015 pan adawodd ymladdwyr eithafol yn Putland al-Shabab, sydd â chysylltiadau ag al Qaida.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019