Boeing yn cyfaddef problem gyda’r system reoli ar awyren Ethiopian Airlines

 

Llun: CCO

Mae Boeing wedi cyfaddef bod problem gyda’r system reoli ar awyren Ethiopian Airlines fu mewn damwain fis diwethaf, gan ladd pob un o’r 157 o bobl oedd ar ei bwrdd.

Yn ôl adroddiad cychwynnol gan lywodraeth Ethiopia, roedd y peilotiaid wedi dilyn y canllawiau cywir pan ddechreuodd yr awyren blymio tuag at y ddaear ond roedden nhw wedi methu ei rheoli.

Mae’r canfyddiadau yn cysylltu’r ddamwain yn Ethiopia ar Fawrth 10 gyda’r digwyddiad ger arfordir Indonesia ym mis Hydref y llynedd – y ddau yn ymwneud ag awyrennau Boeing 737 Max 8. Bu farw pob un o’r 346 o bobl oedd ar y ddwy awyren.

Dywedodd Prif Weithredwr Boeing Dennis Muilenburg y byddai newidiadau i’r meddalwedd yn atal digwyddiadau o’r fath yn y dyfodol.

Mae awyrennau Boeing 737 Max 8 wedi cael eu hatal rhag hedfan nes bod y problemau gyda’r meddalwedd wedi cael eu datrys.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019