Galw am ymchwilio i ymosodiad ar lysgenhadaeth Gogledd Corea

Diweddarwyd am  

Gogledd Corea

Llun: Parth cyhoeddus trwy Gomin Wicimedia

Mae Gogledd Corea yn galw am gynnal ymchwiliad i’r hyn maen nhw’n ei alw’n ymosodiad brawychol ar eu llysgenhadaeth yn Sbaen fis diwethaf.

Roedd yr ymosodiad yn y brifddinas Madrid yn groes i gyfreithiau rhyngwladol, yn ôl llefarydd ar ran Swyddfa Dramor y wlad.

Fe ddigwyddodd ar drothwy ail ymweliad yr Arlywydd Donald Trump â’r wlad, wrth iddo gyfarfod â’r arweinydd Kim Jong Un yn Hanoi.

Mae criw o bobol sy’n galw am ddod â theyrnasiad arweinwyr y wlad i ben yn hawlio cyfrifoldeb am yr ymosodiad.

Mae lle i gredu mai arweinydd yr ymgyrch yw un o gyn-fyfyrwyr Prifysgol Yale ac ymgyrchydd hawliau dynol a gafodd ei garcharu yn Tsieina am geisio helpu ffoaduriaid Gogledd Corea oedd wedi dianc rhag arweinwyr y wlad.

Yr ymosodiad honedig

Mae ymchwiliad sy’n parhau yn dweud bod “criw o droseddwyr” wedi trefnu’r ymosodiad ar Chwefror 22, a’u bod wedi dwyn offer o swyddfa ar ôl cadw’r staff yn gaeth am gyfnod.

Mae’r criw, sy’n galw eu hunain yn Amddiffynfa Sifil Cheollima, yn galw am gefnogaeth fyd-eang i’r frwydr yn erbyn llywodraeth Gogledd Corea.

Mae gorchymyn wedi’i gyhoeddi i arestio o leiaf ddau o’r aelodau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer