Dogfen wedi’i hanfon at lywodraeth Seland Newydd cyn ymosodiad

Diweddarwyd am  

Derbyniodd swyddfa prif weinidog Seland Newydd ddogfen gan saethwr Christchurch naw munud cyn yr ymosodiad ar ddau fosg.

Roedd y ddogfen a gafodd ei hanfon at Jacinda Ardern yn cynnwys maniffesto honedig gan Brenton Tarrant, ac fe gafodd ei hanfon at fwy na 30 o bobol funudau’n unig cyn iddo ddechrau saethu.

Mae 50 o bobol wedi marw erbyn hyn.

“Doedd hi ddim yn cynnwys lleoliad,” meddai’r prif weinidog am y ddogfen.

“Doedd hi ddim yn cynnwys manylion penodol.

“O fewn dwy funud ar ôl ei derbyn, cafodd ei rhoi i swyddogion diogelwch y senedd.

“Pe bai’n cynnwys manylion, gellid fod wedi gweithredu ar unwaith ond yn anffodus, doedd dim manylion o’r fath yn yr e-bost.”

Dywed fod y ddogfen yn “destun pryder dwys”.

Y ddogfen

Mae lle i gredu bod y ddogfen 74 tudalen wedi cael ei llunio gan Brenton Tarrant.

Mae’n amlinellu ei gymhelliant gwrth-fewnfudo, ac mae’n cynnwys cyfres o gwestiynau ac atebion, gan gynnwys ‘pwy ydych chi?’

Yr ateb, mae’n debyg, yw ‘dyn gwyn cyffredin, 28 oed, ganwyd yn Awstralia i deulu dosbarth gweithiol ar incwm isel’.

Dywed fod ei rieni o dras Brydeinig a’i fod wedi cael ‘plentyndod cyffredin’.

Mae’n dweud mai ychydig iawn o ddiddordeb oedd ganddo yn ei addysg yn yr ysgol, gan ennill graddau isel.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl