Fe fu’r heddlu a phrotestwyr festiau melyn Ffrainc yn gwrthdaro yn Paris, ar y deunawfed penwythnos o brotestio yn olynol.
Maen nhw’n protestio yn erbyn yr Arlywydd Emmanuel Macron a’i lywodraeth.
Fe fu protestwyr yn taflu bomiau mwg a gwrthrychau eraill at blismyn a’u cerbydau, a bu’n rhaid i’r heddlu geisio eu tawelu gan ddefnyddio canonau.
Cafodd o leiaf un cerbyd ei losgi yn y digwyddiad.
Mae o leiaf 20 o bobol wedi cael eu harestio.
Mae’r brotest yn Paris yn un o ddegau o brotestiadau ar draws y wlad.