Tad dynes oedd wedi ymuno ag IS yn cymryd camau cyfreithiol

Diweddarwyd am  

Mae tad dynes o Alabama, a oedd wedi ymuno a’r Wladwriaeth Islamaidd (IS) yn Syria, wedi cymryd camau cyfreithiol yn erbyn llywodraeth Donald Trump mewn ymdrech i’w chaniatáu i ddychwelyd i’r Unol Daleithiau.

Mae Ahmed Ali Muthana yn dadlau bod ei ferch 24 oed, Hoda Muthana yn ddinesydd yr Unol Daleithiau ac y dylai hi gael dod yn ôl adref gyda’i mab bach.

Ar hyn o bryd mae Hoda Muthana mewn gwersyll ffoaduriaid yn Syria gyda’i mab 18 mis oed ar ôl ffoi rhag y Wladwriaeth Islamaidd (IS).

Mewn datganiad, dywedodd ei chyfreithwyr ei bod yn disgwyl cael ei chyhuddo o roi cefnogaeth i frawychiaeth os ydy hi’n cael dychwelyd i’r Unol Daleithiau.

Yn ôl ei chyfreithwyr, mae Hoda Muthana wedi “cydnabod ei gweithredoedd yn gyhoeddus ac wedi derbyn cyfrifoldeb llawn am y gweithredoedd hynny.”

Dywedodd yr Ysgrifennydd Gwladol Mike Pompeo ddydd Mercher nad yw Hoda Muthana yn ddinesydd ac na fydd hi’n cael dychwelyd i’r wlad.

Yn ôl yr Unol Daleithiau nid yw hi’n ddinesydd am fod ei thad wedi bod yn ddiplomydd yr Yemen pan gafodd ei geni.

Mae’r teulu’n dadlau bod hynny’n anghywir ac nad oedd ei thad yn ddiplomydd pan gafodd ei geni yn New Jersey.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer