Ymdriniaeth Tsieina o bobol Uighurs yn “gywilyddus”

 

Baner Tsieina

Llun: commons-wikimedia-CC0

Mae Twrci yn dweud bod ymdriniaeth China o lwyth Uighurs yn “warth i’r ddynoliaeth”.

Dydy hi ddim yn gyfrinach bellach fod y wlad wedi cadw mwy na miliwn ohonyn nhw mewn “gwersylloedd crynhoi”, meddai Hami Aksoy, llefarydd ar ran Swyddfa Dramor y wlad.

Mae’n galw ar yr awdurdodau i gau’r gwersylloedd ac i barchu hawliau dynol, a hynny’n dilyn marwolaeth honedig Abdurehim Heyit, bardd a cherddor uchel ei barch, oedd wedi cael ei garcharu am wyth mlynedd yn sgil cynnwys un o’i ganeuon.

Mae llysgenhadaeth Tsieina yn Ankara, prifddinas Twrci, yn dweud bod y sylwadau’n “gwbl annerbyniol”, ac maen nhw’n galw am dynnu’r sylwadau’n ôl.

Cefndir

Fe fu ymdrechion bwriadol gan awdurdodau Tsieina i leihau grym a dylanwad pobol Uighurs dros y blynyddoedd diwethaf.

Fe fu camau diogelwch llym yn eu lle ers gwrthdaro ffyrnig yn nhalaith Xinjiang yn 2009, sydd wedi gorfodi nifer fawr o bobol i adael yr ardal.

O dan gryn bwysau, mae awdurdodau Tsieina wedi cyfaddef fod gwersylloedd yn cael eu defnyddio fel “canolfannau hyfforddi galwedigaethol”, ond ychydig iawn o wybodaeth sydd ar gael amdanyn nhw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl