Mae lluoedd Libya yn honni eu bod nhw bellach yn rheoli maes olew de’r wlad, yn ogystal â thiroedd y dwyrain lle mae eu cadarnle.
Fe ddaw’r datblygiad diweddara’ fel rhan o ymgyrch y cadfridog Khalifa Hifter i ennill rheolaeth o brif ffynhonnell incwm Libya.
Mae’n honni hefyd fod yr ymgyrch wedi bod yn llwyddiant oherwydd iddi gael cefnogaeth y llwythau lleol.
Mae Libya yn cael ei rheoli gan awdurdodau gwahanol yn Tripoli ar y naill law, ac yn y dwyrain. Mae’r ddwy ochr yn hawlio cefnogaeth gwrthryfelwyr arfog.
Mae Khalifa Hifter yn arwain y garfan yn nwyrain y wlad.
