Ffin Mecsiso: gall ‘miloedd yn rhagor’ o blant a’u rhieni fod wedi’u gwahanu

Diweddarwyd am  

Donald Trump

Llun-commons-wicipedia-CC0.jpg

Fe allai miloedd yn rhagor o blant fod wedi cael eu gwahanu oddi wrth eu teuluoedd ar y ffin rhwng yr Unol Daleithiau a Mecsico nag sydd wedi cael ei adrodd cyn hyn, yn ôl adroddiad.

Fe all hyn fod oherwydd bod swyddogion wedi bod yn cymryd camau i wahanu teuluoedd ymhell cyn y polisi gwahanu a oedd wedi achosi gwrthwynebiad chwyrn yn rhyngwladol y llynedd.

Mae’r polisi yn rhoi’r hawl i swyddogion mewnfudo ar y ffin wahanu teuluoedd o dan amodau penodol.

Mae hi’n aneglur faint yn union o deuluoedd sydd wedi cael eu gwahanu ar y ffin.

Nid oedd y Gwasanaethau Iechyd a Dynol, yr asiantaeth a oedd yn gyfrifol am ofalu am y plant, wedi cadw cofnod o’r niferoedd yn ddigonol nes i farnwr benderfynu bod yn rhaid ail gysylltu plant â’u teuluoedd, yn ôl adroddiad gan arolygydd cyffredinol yr asiantaeth.

Dywedodd Ann Maxwell, arolygydd gwerthuso’r asiantaeth, fod nifer y plant a gafodd eu gwahanu oddi wrth eu rhieni yn sicr yn fwy na’r 2,737 a gyhoeddwyd gan y llywodraeth mewn dogfennau llys.

Roedd y dogfennau hynny yn dangos y gwahaniadau wnaeth ddigwydd wrth i rieni gael eu dedfrydu am groesi’r ffin yn anghyfreithlon o dan bolisi “dim goddefgarwch” yr Arlywydd Donald Trump.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer