Gweinidog gwlad Groeg yn mynd tros newid enw Macedonia

Diweddarwyd am  
Macedonia

Baner Macedonia

Llun: Wikipedia

Mae un o weinidogion llywodraeth Gwlad Groeg wedi ymddiswyddo yn sgil y penderfyniad i newid enw gwlad Macedonia.

Mae Panos Kammenos, y Gweinidog Amddiffyn yn y llywodraeth glymblaid, yn gwrthwynebu’r penderfyniad.

Daeth cadarnhad o’i ymddiswyddiad yn dilyn cyfarfod ag Alexis Tsipras, y prif weinidog, ac fe ddywedodd fod ei blaid yn gadael y llywodraeth glymblaid.

Mae’n bwriadu annerch y wasg yn ddiweddarach heddiw (dydd Sul, Ionawr 13).

Cefndir

Daeth Gwlad Groeg a Macedonia i gytundeb fis Mehefin y llynedd i newid enw’r wlad i ‘Gogledd Macedonia’.

Yn gyfnewid am wneud hynny, byddai Gwlad Groeg yn rhoi’r gorau i wrthwynebu aelodaeth Macedonia o Nato.

Cafodd y cytundeb sêl bendith llywodraeth Macedonia ddiwedd yr wythnos ddiwethaf, ac fe fydd angen mwyafrif ar y llywodraeth er mwyn bwrw ymlaen gyda’r newid.

Mae gan blaid Syriza 145 o gynrychiolwyr yn y senedd o 300 o aelodau, tra bod gan blaid y Groegiaid Annibynnol, plaid Panos Kammenos, saith aelod. Mae eu hangen ar y llywodraeth er mwyn sicrhau mwyafrif.

Mae hynny’n golygu bellach fod angen cefnogaeth y gwrthbleidiau ar y llywodraeth er mwyn sicrhau digon o bleidleisiau i gyflwyno’r newid.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed