Yr Almaen am bleidleisio i achub yr Ewro

 


Angela Merkel
Mae disgwyl y bydd aelodau seneddol yn yr Almaen yn pleidleisio o blaid pecyn newydd i achub yr Ewro – er gwaetha’ amheuon o fewn plaid y Llywodraeth ei hun.

Yn ôl y Canghellor Anglea Merkel, mae cefnogaeth i’r cynllun yn hanfodol er mwyn achub arian yr Ewro ac mae’r bleidlais heddiw “o’r pwysigrwydd mwyaf”.

O dan y cynllun, fe fyddai’r Almaen yn gwarantu gwerth £184 biliwn o fenthyciadau i’r gronfa achub sydd wedi ei sefydlu i sefydlogi’r Ewro – mae hynny’n gynnydd o £77 biliwn ar yr addewid cynharach.

‘Dyfodol cyffredin’

Yr Almaen yw’r economi mwya’ yn ardal yr Ewro ac, yn ôl Angela Merkel, yr arian unedig yw “dyfodol cyffredin” yr 17 gwlad sy’n rhan ohono.

Er bod rhai o aelodau ei phlaid ei hun yn amheus o faint ymrwymiad yr Almaen, y disgwyl yw y bydd y bleidlais yn cael ei chario.

Fe fydd rhaid i’r gwledydd eraill hefyd gefnogi’r cynllun i gynyddu’r gronfa, wrth i’r pwysau gynyddu ar economi Gwlad Groeg a rhai gwledydd eraill hefyd, gan gynnwys Sbaen a’r Eidal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed