Rhyddhau newyddiadurwr a gafodd ei herwgipio yn Syria

 

Baner Siapan

Llun: CCO

Mae Siapan wedi cyhoeddi enw’r newyddiadurwr a gafodd ei ryddhau ar ôl cael ei herwgipio yn Syria tair blynedd yn ôl.

Mae wedi cael ei adnabod fel Jumpei Yasuda, sef gohebydd llawrydd sydd wedi bod yn gweithio yn y Dwyrain Canol ers dechrau’r 2000au.

Mae wedi’i enwi ar ôl i swyddogion yn Llysgenhadaeth Siapan gyfarfod ag ef mewn canolfan ffoaduriaid yn ne Twrci ger y ffin â Syria, lle’r oedd mewn iechyd da, meddai Gweinidog Tramor Siapan, Taro Kono.

Roedd y newyddiadurwr wedi mynd ar goll yn 2015, pan gafodd ei herwgipio gan gangen o al Qaida, a oedd yn cael ei adnabod ar y pryd fel ‘Nusra Front’, yn Syria.

Yn ôl adroddiadau diweddar, roedd yn cael ei ddal gan bennaeth milwrol sy’n perthyn i’r Blaid Dwrcistanaidd Islamaidd.

Daeth y cyhoeddiad ei fod wedi’i ryddhau neithiwr (dydd Mawrth, Hydref 23), yn dilyn ymdrechion gan Qatar a gwledydd eraill yn y Dwyrain Canol.

Nid dyma’r tro cyntaf i Jumpei Yasuda gael ei herwgipio yn y rhan hon o’r byd. Yn 2004, cafodd ei gymryd yn wystlon yn Irac gyda thri pherson arall o Siapan.

Cafodd ei ryddhau ar ôl i glerigwyr Islamaidd gynnal trafodaethau gyda’i herwgipwyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019