Catalwnia: ffrae yn ergyd i bleidiau tros annibyniaeth

 
Baner Catalwnia

Baner Catalwnia

Llun: Commons Wikimedia CC0

Mae ffrae rhwng dwy blaid tros annibyniaeth i Gatalwnia yn golygu mai lleiafrif sydd gan y llywodraeth erbyn hyn, gan daflu cysgod tros yr ymgyrch.

Dydi ERC a Junts per Catalunya ddim wedi cydweld ynghylch sut i ymateb i waharddiad llys chwech o wleidyddion sydd wedi’u cyhuddo mewn perthynas â’u rhan yn refferendwm annibyniaeth Catalwnia y llynedd, sy’n cael ei ystyried yn anghyfreithlon gan yr awdurdodau yn Sbaen.

Mae’r ERC wedi enwi ymgeiswyr i gymryd lle dau o’u haelodau sydd wedi’u gwahardd, ond mae Junts per Catalunya wedi gwrthod gwneud hynny, gan ddatgan eu bod nhw am weld eu pedwar ymgeisydd, gan gynnwys y cyn-Arlywydd Carles Puigdemont, yn cael parhau i bleidleisio yn y senedd.

Yn dilyn y ffrae ddydd Mawrth, penderfynodd yr ERC uno â gweddill y senedd er mwyn atal aelodau Junts per Catalunya rhag pleidleisio.

Colli cefnogaeth

Bellach, mae gan bleidiau sy’n cefnogi annibyniaeth 61 sedd allan o 135 – naw sedd yn llai nag yr enillon nhw yn dilyn etholiadau fis Rhagfyr y llynedd.

CUP oedd y blaid gyntaf i dynnu eu cefnogaeth i aelodau Junts per Catalunya ac fe wrthododd aelod arall drosglwyddo’i bleidlais ar ôl cael ei wahardd rhag pleidleisio.

Mae amheuon bellach am ddyfodol rhai o bolisïau’r pleidiau o blaid annibyniaeth, gan gynnwys yr hawl i Gatalwnia gael deddfu drosti ei hun.

Yn sgil yr helynt, mae pryderon y gallai’r arweinydd newydd Quim Torra golli grym ac y gallai etholiadau newydd gael eu cynnal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed