10,000 o bobol yn ffoi wedi tân mewn warws arfau yn yr Wcráin

Diweddarwyd  
Fflamau tân

Tân

Llun: CC0

Fe fu’n rhaid i dros 10,000 o bobol ffoi yn dilyn tân mewn warws arfau yn yr Wcráin.

Yn ôl Gweinidogaeth Argyfwng y wlad, bu’r digwyddiad yn nwyrain Chernihiv yn gynnar fore Mawrth (Hydref 9).

Mae’r weinidogaeth hefyd wedi cadarnhau bod y warws yn cynnwys 88,000 tunnell metrig o arfau, er bod swyddogion y fyddin yn mynnu bod hanner ohonyn nhw wedi’u symud i leoliadau eraill.

Fe gafodd ffyrdd a rheilffyrdd yr ardal eu cau yn ystod y digwyddiad, ond does dim adroddiadau bod unrhyw un wedi’u hanafu.

Dyma’r digwyddiad diweddaraf lle mae tân wedi dinistrio rhai o arfau milwrol yr Wcráin.

Mae rhai swyddogion yn dweud mai difrod bwriadol yw hyn, yn enwedig o ystyried y tensiynau sydd rhwng y wlad a Rwsia.

Ond mae eraill yn mynnu mai esgeulustod a ddiffyg parch tuag at reolau iechyd a diogelwch sy’n bennaf gyfrifol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed