Dwyn achos yn erbyn Kevin Spacey tros gyhuddiadau rhyw

 
Kevin Spacey

Kevin Spacey

Llun: Maryland GovPics – Governor Tours the House of Cards CC 2.0

Mae dyn wedi dwyn achos preifat yn erbyn yr actor Kevin Spacey gan ei gyhuddo o ymosod yn rhywiol arno.

Mae’r actor Americanaidd eisoes yn destun dau ymchwiliad gan yr heddlu yng ngwledydd Prydain ac yn yr Unol Daleithiau.

Fel rhan o’r achos diweddaraf, mae wedi’i gyhuddo o ymosod ar y tylinwr mewn eiddo yng Nghaliffornia yn 2016.

Dywed papurau sydd wedi’u cyflwyno fel tystiolaeth fod yr actor wedi gorfodi’r dyn i’w gyffwrdd mewn modd rhywiol cyn ceisio’i orfodi ei hun arno fe a’i gusanu. Ar ôl i’r dyn ei gwestiynu, fe geisiodd e ei gusanu eto.

Pan ofynnodd y dyn iddo adael yr eiddo, mae’n honni bod Kevin Spacey wedi cynnig cyflawni gweithred ryw arno.

Mae’r papurau’n honni bod ymddygiad Kevin Spacey yn “eithafol ac yn warthus” a “heb ystyried hawliau na theimladau’r sawl sydd wedi gwneud cwyn”, a bod ei weithredoedd wedi cael effaith seicolegol ddifrifol ar y dyn.

Mae wedi penderfynu dwyn achos yn erbyn yr actor am ymosod, ymosod ar sail rhywioldeb, achosi aflonyddwch emosiynol a’i gaethiwo yn erbyn ei ewyllys.

Honiadau blaenorol

Mae Heddlu Scotland Yard eisoes wedi agor chwe achos yn erbyn Kevin Spacey, yn dilyn nifer o honiadau am ddigwyddiadau yn Llundain a Chaerloyw.

Mae hefyd yn destun ymchwiliad yng Nghaliffornia.

Roedd yn gyfarwyddwr artistig ar theatr yr Old Vic yn Llundain rhwng 2004 a 2015, ac yn un o’r sêr ffilm cyntaf i ddod dan y lach yn sgil sgandal y cyfarwyddwr Harvey Weinstein.

Fe wnaeth yr actor Anthony Rapp honni bod Kevin Spacey wedi’i orfodi ei hun arno’n rhywiol pan oedd yn 14 oed, a’r actor yn 26 oed yn 1986.

Yn ôl Kevin Spacey, dydy e ddim yn cofio’r digwyddiad honedig, ond fe ymddiheurodd am unrhyw “ymddygiad meddw amhriodol”.

Yn sgil yr honiadau yn ei erbyn, fe gollodd ei ran yng nghyfres Netflix, House of Cards a’r ffilm All The Money In The World gan Syr Ridley Scott.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer