Peilotiaid a staff Ryanair ar streic tros gyflogau ac amodau gwaith

 
Awyren

Llun CC0

Mae cwmni awyrennau Ryanair yn gorfod canslo dwsinau o hediadau, wedi i beilotiaid a staff yn yr Almaen gynnal streic undydd tros gyflogau ac amodau gwaith.

Mae’r undeb Cockpit yn cadarnhau fod y streic wedi dechrau am dri o’r gloch y bore, heddiw (dydd Mercher, Medi 12) ac y bydd yn effeithio ar bob un o ganolfannau’r cwmni yn yr Almaen, yn cynnwys Frankfurt a Berlin.

Mae disgwyl i Ryanair ganslo 150 o hediadau i ac o’r Almaen yn ystod dydd Mercher a dydd Iau.

Mae’r undebau yn dweud nad yw’r cwmni wedi cyflwyno cynigion cyflog boddhaol, nac wedi cynnig amodau gwaith digonol. Ond mae Ryanair yn dweud eu bod nhw wedi bod yn deg, ac nad oes cyfiawnhad dros y streic mewn gwirionedd.

Y mis diwethaf, fe aeth peilotiaid Ryanair yn nifer o wledydd Ewrop ar streic, ac fe fu’n rhaid canslo 400 o hediadau.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed