Bron i 3,000 wedi marw oherwydd Corwynt Maria

 
Llun o ddifrod mewn pentre'

Effaith corwynt Maria ar bentre’ yn Puerto Rico

:Llun: Parth Cyhoeddus

Mae bron i 3,000 o bobol wedi marw yn Puerto Rico o fewn y chwe mis yn dilyn Corwynt Maria, yn ôl ymchwiliad annibynnol.

Mae hynny’n gwbl wahanol i’r ffigurau swyddogol sy’n awgrymu mai dim ond 64 a gafodd eu lladd yn ystod y trychineb ac mai 1,400 a fu farw edyn.

Mae’r gwaith ymchwil sydd wedi’i gynnal gan adran iechyd cyhoeddus Prifysgol George Washington yn Washington, yn dweud bod cyfanswm o 2,975 o bobol wedi marw o ganlyniad i’r corwynt a darodd yr ynys yn y Caribî fis Medi y llynedd.

Cynnydd o 22%

Yn ôl yr arbenigwyr o Brifysgol George Washington, mae yna gynnydd o 22% wedi bod mewn marwolaethau yn y wlad rhwng mis Medi 2017 a Chwefror 2018, o gymharu â’r flwyddyn flaenorol.

Maen nhw’n dweud bod diffyg hyfforddiant i ddoctoriaid ynglŷn â sut i nodi marwolaethau yn ei gwneud hi’n anodd cael cyfanswm pendant.

Mae’r arbenigwyr hefyd yn dweud mai’r hen a’r tlawd oedd mewn mwya’ o beryg ar ôl i’r corwynt daro.

Beirniadu Trump

Mae Llywodraeth yr Unol Daleithiau wedi dweud eu bod yn cefnogi’r bwriad i gael ffigurau llawn.

Ond fe gafodd yr Arlywydd Trump ei feirniadu am ddiffyg ymateb a chymorth pan ddigwyddodd y corwynt.

Mae Puerto Rico yn diriogaeth sy’n gysylltiedig a’r Unol Daleithiau.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019