Donald Trump yn cyhuddo ei gyn-gyfreithiwr o ddweud celwydd

 
Arlywydd yr Unol Daletihiau yn areithio ac yn pwyntio'i fys

Donald Trump

Llun: CC 2.0 trwy Gomin Wicimeda

Mae Donald Trump wedi cyhuddo ei gyn gyfreithiwr, Michael Cohen, o ddweud celwydd dan bwysau o gael ei erlyn.

Mae Arlywydd America yn wynebu honiadau ei fod wedi defnyddio arian ei ymgyrch etholiadol i geisio talu dwy fenyw i gadw’n dawel am eu carwriaethau honedig gydag ef.

Fe wnaeth y biliwnydd drydar yn cyhuddo Michael Cohen o ddyfeisio “straeon er mwyn cael ‘dêl’ gyda’r erlynwyr.

Plediodd y cyfreithiwr yn euog dydd Mawrth i wyth achos, gan gynnwys torri rheolau ariannol ymgyrchoedd arlywyddol, y mae e’n honni oedd dan arweiniad Donald Trump.

Mewn sesiwn briffio, mynnodd ysgrifennydd y wasg y Tŷ Gwyn, Sarah Huckabee Sanders, o leiaf saith gwaith nad oedd yr Arlywydd wedi gwneud unrhyw beth o’i le.

Dywedodd Michael Cohen dydd Mawrth ei fod wedi gwneud taliadau cyfrinachol i ddistewi’r model Playboy, Karen McDougal, a’r actores bornograffig, Stormy Daniels, er mwyn dylanwadu ar yr etholiad yn 2016.

Dywedodd fod hyn wedi bod dan orchymyn Donald Trump ond mae e’n mynnu nad oedd yn gwybod am y taliadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn