Rwsia yn rhybuddio America

 
Baner Rwsia

Llun: Wikimedia Commons CC0

Mae Prif Weinidog Rwsia wedi rhybuddio y bydd pris i’w dalu os bydd America yn cyflwyno mwy o sancsiynau.

Ddydd Mercher fe gyhoeddodd Llywodraeth America y bydd yn gwrthod trwyddedau i Rwsia fedru prynu nwyddau sy’n ymwneud â diogelwch cenedlaethol.

Mae’r sancsiynau mewn ymateb i wenwyno Sergei Skripal a’i ferch yng Nghaersallog.

Ond mae Rwsia yn gwadu unrhyw ran yn y gwenwyno, a’r Prif Weinidog yn bygwth “rhyfel economaidd” yn erbyn America os bydd sancsiynau yn erbyn banciau Rwsia.

Dywedodd Dmitry Medvedev y bydd Rwsia yn ymateb “gyda dulliau economaidd, dulliau gwleidyddol ac, os oes raid, mewn ffyrdd eraill. Fe ddylai ein cyfeillion Americanaidd ddeall hynny.”

Mae cynigion yn America i ddeddfu er mwyn rhewi asedau banciau sy’n cael eu rheoli gan Rwsia.

“Os daw rhywbeth fel gwaharddiad ar weithdrefnau banc neu arian, bydd yn golygu rhyfel economaidd,” meddai Prif Weinidog Rwsia.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed