Llifogydd: 1,600 wedi eu hachub yn ne Ffrainc

 
Baner Ffrainc

Baner Ffrainc

Llun: Wicipedia

Mae 1,600 o bobl wedi cael eu hachub o dri rhanbarth yn ne Ffrainc ar ôl i law trwm achosi llifogydd.

Maen nhw wedi cael eu symud fel rhagofal o ranbarthau Gard, Ardeche a Drome.

Un o’r rhanbarthau gafodd eu heffeithio waethaf oedd Gard, lle cafodd 119 o blant, nifer ohonyn nhw o’r Almaen, eu hachub o wersyll yn Saint-Julien-de-Peyrolas.

Roedd tua 750 o bobl wedi cael eu gorfodi i adael Gard, yn bennaf o wersylloedd.

Dyn ar goll

Mae deifwyr yn chwilio’r afonydd am ddyn 70 oed sydd ar goll. Credir ei fod yn ddinesydd o’r Almaen ac wedi cael ei sgubo i’r dŵr wrth yrru ei fan.

Cafodd pedwar o blant o’r Almaen eu cludo i’r ysbyty yn dioddef o hypothermia yn Bagnols-sur-Ceze, tref ger Afon Ceze.

Fe fu 400 o ddiffoddwyr tan a swyddogion yr heddlu, ynghyd a hofrenyddion, yn rhan o’r ymgyrch i achub pobol. Mae nifer o ffyrdd ynghau ac mae’r awdurdodau wedi rhybuddio pobol i fod yn wyliadwrus.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed