Dod o hyd i’r fersiwn hynaf o’r gerdd ‘Odyssey’

Diweddarwyd  

Llun CC0 trwy Commons Wikimedia

Mae’n bosib bod darn o garreg a gafodd ei ddarganfod yn ne gwlad Groeg yn cynnwys y fersiwn hyna’ o’r gerdd ‘Odyssey’ gan Homer, yn ôl swyddogion.

Mae’r weinyddiaeth diwylliant yn y wlad yn credu lle bod y garreg, sy’n cynnwys 13 pennill o’r gerdd enwog, yn dyddio’n ôl i gyfnod y Rhufeiniaid – o bosib cyn y drydedd ganrif.

Mi gafodd y garreg ei darganfod gan archeolegwyr  ger Olympia, sy’n cael ei adnabod yn gartre’ i’r Gemau Olympaidd gwreiddiol.

Mi gafodd y gemau eu cynnal yn yr ardal hon yn ne’r wlad rhwng 776 CC a 393 OC.

Odyssey?

Mae Odyssey a gafodd ei chreu gan y bardd a’r athronydd Homer yn un o gerddi enwoca’ byd, ac mae arbenigwyr yn credu ei fod wedi ymddangos yn gyntaf yn yr wythfed ganrif CC.

Mae’n adrodd hanes yr arwr Groegaidd, Oysseus, a’i daith ddeng mlynedd i gyrraedd adre’ o’r rhyfeloedd Trojaidd.

Mae’r gerdd yn cyfeirio at frwydrau gyda angenfilod, gwrachod a nifer o elynion eraill wrth iddo geisio ailymuno a’i wraig, Penelope a’i fab, Telemachus, ar ynys Ithaca.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?