Trydydd diwrnod yr ymgyrch i achub bechgyn ogof Gwlad Thai

 

Y bechgyn yn yr ogof yng Ngwlad Thai, lle buon new’n gaeth am dair wythnos

Llun: AP

Mae’r ymdrech i achub grŵp o fechgyn a’u hyfforddwr pêl-droed sy’n sownd mewn ogof yng Ngwlad Thai, yn parhau heddiw (dydd Mawrth, Gorffennaf 10).

Mae dros bythefnos bellach ers i’r 12 bachgen a’u hyfforddwr fynd yn sownd mewn ogof yn nhalaith Chiang Rai yng ngogledd y wlad.

Mae’r ymdrech i’w hachub bellach wedi cyrraedd y trydydd diwrnod, ac mae deifwyr proffesiynol yn gobeithio achub y pedwar bachgen sy’n weddill heddiw.

Mae’r awdurdodau yn dweud y bydd y pedwar swyddog, sydd wedi bod yn gofalu am y bechgyn o fewn yr ogof, yn dychwelyd i’r arwyneb heddiw hefyd.

Iechyd y bechgyn

Erbyn hyn, mae wyth o’r bechgyn wedi cyrraedd yr arwyneb, ar ôl cael eu harwain trwy rwydwaith cymhleth o dwneli dros y ddau ddiwrnod diwetha’.

Yn ôl llefarydd ar ran Gweinyddiaeth Iechyd Cyhoeddus Gwlad Thai, mae’r pedwar bachgen cynta’ a gafodd eu hachub bellach wedi cychwyn bwyta yn normal.

Ond er yr amheuon bod dau o’r bechgyn yn diodde’ o haint ar yr ysgyfaint, mae’r llefarydd yn mynnu bod yr wyth ar y cyfan yn “holliach ac yn gwenu”.

Mae’n bosib y bydd rhaid i’r bechgyn aros yn yr ysbyty am y saith diwrnod nesa’.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed